Buelonan di Insel Air Aruba no tin problema cu Venezuela

ORANJESTAD – Avionnan comercial di Venezuela pa Aruba ainda no ta confrontando problema. CEO di Insel Air Aruba, Frederick Nuboer a confirma na NoticiaCla diabierna merdia, cu contrario na e contratiempo cu buelonan priva, nan si no tin e problema ‘ainda’. “Ainda nos no tin e problema ey. Nos tin buelonan pa varios ciudad na Venezuela, y nan no a stroba nos di sali of drenta” Nuboer a bisa. De hecho Nuboer ta bisa cu si dado caso nan stroba e buelonan, ta nan mesun hendenan nan ta stroba, esta e venezolanonan. “E buelonan ta yen yen, y ta nan mes lo causa e problema” Nuboer a bisa. E la confirma si, cu e la tende e noticia di strobamento di buelonan priva, y ta lamenta esey.