Clubnan di Harley ta uni pa yuda Mary Joan Foundation

ORANJESTAD - Despues di e yamado na comunidad caminda Mary Joan Foundation a declara cu nan mester ayudo urgente pa por sigi mantene nan porta di fundacion habri a tuma contacto cu oficina di fundacion pa mas informacion pa con por yuda. Sra Veruschka Koolman y Sra Vivian Kock a sinta hunto cu e Presidente di fundacion Sra Monique Palm pa despues a busca bai sosten cu otro lidernan di Harley Clubs local pa hunto yega na acuerdo cu lo yuda. Gruponan manera Lone Wolf, HOG, Iron Order, Camacuri, Spike Rebel, Cascabel, TTT Riders, Nos cu Nos y Sinners a confrima cu nan tei pa cu e causa.Riba dianan 22 y 23 di augustus e voluntarionan di e Harley clubs nan mentiona lo colecta banda di caminda na diferente lugar rond di Aruba. Tambe lo tei na e “Turn up the Pink” fundraising event na Entertainment Center, caminda cu un y tur pa un cifra simbolico por haya un ride riba e Harley. Esaki ta un otro manera cu nos lo aporta. E trabou cu Mary Joan Foundation ta eherce den comunidad ta di duna e sosten, e oido, e giua y e ayudo profecional na esnan cu ta sufri di cancer, pa esmotivo mes Veroushka y Vivian a sinti nan mes yama pa aporta pa cu e causa. Hunto tur bikers nan di e mundo di Harley Davidson lo saca un man pa yuda Mary Joan Foundation surpasa e momento nan dificil cu nan ta pasando. Nos kier a termina invitando tur amante di motorcycle y Harley Davidson pa duna un man y yega dia diadomingo 23 di augustus na Entertainment center pa asina hunto nos logra e meta.