Eelco Eerenberg ta e candidato nobo pa secretario di estado di D66

DEN HAAG - Eelco Eerenberg ta e candidato nobo pa secretario di estado di Finanzas na nomber di D66. E partido a anuncia esaki.  Eerenberg di 41 aña awor ainda ta teniente di alcalde na Utrecht, cu entre otro e portafolio di Ordenacion Espacial, Enseñansa y Salud Publico. Anteriormente e tabata miembro di conseho municipal na Enschede y despues teniente di alcalde den mesun ciudad, unda e tabatin entre otro e portafolio di Finanzas. Dos biaha e la keda proclamá como “mihor hoben bestuurder local” dor di revista profesional Binnenlands Bestuur. E ta sigui Nathalie van Berkel como candidato pa secretario di estado, kende anteriormente e siman aki a retira su candidatura despues cu el a keda bou di presion pa motibo di un representacion incorecto di situacion riba su cv.