Video: Heera Dijk (D66): Mester ta positivo cu gabinete di minoria por funciona sigur!

ORANJESTAD/ DEN HAAG – Nos mester ta positivo cu e gabinete di minoria por funciona sigur! Esaki ta pensamento di miembro di Tweede Kamer, Heera Dijk (D66) na periodista Tito Laclé durante e programa Noticiacla LIVE e siman aki.  Dijk ta na Aruba actualmente pa e reunionan inter parlamentario conoci como IPKO. 

HURAMENTACION

Otro siman Rey Willem-Alexander ta huramenta e gabinete minoritario hulandes lidera pa lider di partido D66, Rob Jetten. Pero hopi ta duda den e duracion di e gabinete, mirando cu e lo bira hopi dificil pa e gabinete den su constelacion actual, sobrevivi. Pa e por funciona, e mester haya sosten cada bez di oposicion pa logra pasa un of otro Proyecto, of ley. Miembro di e partido, Heera Dijk, cu ta tambe miembro nobo di Tweede Kamer, a comparti su pensamento riba e tema, riba pregunta di periodista Tito Laclé, e siman aki durante e programa Noticiacla LIVE.