Aruba ta participa na IPKO cu delegacion di 11 parlamentario

ORANJESTAD – Aruba ta participa cu un delegacion di 11 parlamentario entrante diahuebs awor na e reunion interparlamentario di Reino, osea IPKO. Fuera di e 11 parlamentario, tin tambe e griffier y 9 parlamentario cu lo tey como ‘toehoorders’ pues sin derecho di ‘papia’, osea spreekrecht.  E reunionan ta inicia diahuebs awor, y ta wordo teni primordialmente den Hyatt Place banda di aeropuerto. 

TEMANAN

Entre e temanan interesante pa menciona, ta e situacion geopolitico den region, cu lo keda trata tras di porta cera, y e balansa entre e maneho financiero y e autonomia di e islanan di Caribe dentro di Reino Hulandes, cu si ta habri pa publico.  Otro temanan pa menciona ta cybersecurity, biehez di nos adultonan mayor, y un bishita na aeropuerto pa mira e facilidadnan nobo.

Pa Aruba, esnan cu lo participa activamente ta Marlon Sneek como lider di delegacion, Jennifer J. Arends-Reyes, cu ta presidi e comision di Asuntonan di Reino na Aurba, Ruthlyn V. Lindor, John P. Hart, Carlos A. Bermudez, Stephany D. Sevinger, Hendrik W.G. Tevreden, Edgard G.A. Vrolijk, Rocco G. C. Tjon, Endy J.H. Croes, y Eduard F. Pieters.  Herman Ch. J. Hek lo ta e Griffier pa Parlamento di Aruba. 

Como toehoorders (parlamentarionan ‘sin voz’, lo tin  Muzaninn S. F. Wever , Gino. M. Goeloe,  Dennerich Kelly, Mike E. de Meza, Otami S. S. Thomasia, Clifford Heyliger, Evelyn Wever-Croes, Danguillaume P. Oduber y Xiomara J. Maduro. Pa lesa e programa completo di e reunionan y e lista di participantenan, por click AKI.