Aruba Airlines ta ricibi su di tres avion

ORANJESTAD - Diabierna 14 Augustus, Aruba Airlines su tercer avión lo yega Aruba.E receptie pa risibi e avión nobo lo tuma lugar na Aeropuerto Internacional Reina Beatrix pa 08:00 AM, den un ambiente di fiesta y alegría pa un logro asina importante. Cu e avión aki ta suma awo 3 avion Airbus 320-200 cu e aerolínea arubiano ta conta cune, confirmando un flota hopi jong totalmente unifica den un solo marca pa e operación nan di Aruba Airlines. En coneccion cu e llegada di e avión e aerolínea conjuntamente cu autoridad di Gobierno local, aeropuerto y departamento di turismo, ta preparando un intimo celebración diabierna mainta pa celebra cu honor un adquisición nobo. E incorporacion di e avión nobo ta forma parti di e plan di negoshi cu e aerolínea ta desarollando pa e crecimiento di su flota di avión y e mejoramento di servicio aéreo na su destinación nan nobo manera Miami, Curacao y Santo Domingo.E incorporación nobo ta permiti e compañía incrementa su oferta di vuelo nan directo y eleva su conectividad, pa asina duna contesta na e necesidad nan operativo di e pasajero nan local y extranjero cu ta utiliza su servicio nan di transporte aéreo.E Airbus nobo A320-200 cu matricula P4-AAD ta posee caracterista nan similar na e prome avión nan di e flota, un capacidad di 150 asiento, 138 den economy class y 12 den business class, y su interior ta diseña di acuerdo cu e specificacion di Airbus, pa ofrece mihor confortabilidad na e pasajero.E famia di e avión nan A320 ta e mas bendi rond mundo. Desde cu ela wordu introduci den e mercado cu inovacion nan manera FLY-by-wire, e modelo a ricibi evolución nan constantemente cu a permiti e fabricante reduci consumo, emisión nan y sonido den su propio versión.Aruba Airlines a inicia su vuelo nan den May 2013 cu dos avión A320. Na momento di a cumpli su tercer aña, e aerolínea a aplia su flota pa consolida como un di e principal operador di Aeropuerto Internacional Reina Beatrix di Aruba, demostrando e éxito di modelo di negosacion di e compañía, cu ta ofrece un servicio di alta calidad na su usuario nan.