Aruba kier moderniza proceso di inmigracion na aeropuerto mas

ORANJESTAD – Aruba ta investigando hunto cu e compania di technologia SITA (Société Internationale de Télécommunications Aéronautiques  of International Society of Aeronautical Telecommunications).  e posibilidadnan pa modernisa e proceso di inmigracion na Queen Beatrix International Airport mas ainda. Esaki a tuma lugar durante un bishita di un delegacion di SITA na aeropuerto. Durante e bishita, a discuti solucionnan technico cu por contribui na un control di frontera mas rapido y eficiente, incluyendo e sistema Advanced Passenger Information (API) y uso di puesto di control automatisa y aplicacion biometrico. Representante di SITA a duna un splicacion di experencianan internacional cu sistema asina riba otro aeropuertonan y a enfatisá cu aplicacion semper ta tuma lugar dentro di ley vigente y cu atencion pa proteccion di privacidad.

FASE EXPLORATIVO

Ministerio di Husticia a informa cu e reunion ta parti di un fase explorativo. Den periodo benidero lo sigui conversacion cu partnernan internacional pa evalua cual solucion ta adecua pa Aruba, cu enfoke riba seguridad, servicio y crecemento di trafico aereo.