Aunke tin accion, taxistanan pirata ta sigui opera riba caminda

ORANJESTAD – Mientras cu atrobe no ta duna informacion di cuanto auto a wordo para, e deparatamento di transporte publico (DTP) hunto cu polis a mustra atrobe riba e cantidad grandi di taxista pirata cu a wordo gara durante e controlnan awe y un di prome. Manera ta conoci, nan ta den un accion severo contra transportacion publico ilicito. Ta trata aki di esunnan cu ta bin busca of hiba e turistanan na nos aeropuerto sin e permisonan concerni. Durante un control a gara algun chauffeur cu no a tene nan mes na leynan existente.