Hopi arubiano pa wak Xander Bogaerts hunga baseball na Miami

MIAMI – Un grupo grandi di arubiano a experencia e wega di baseball grandes ligas na Miami diamars anochi entre Boston Red Sox y Miami Marlins. E motibo tabata simple. E arubiano Xander Bogaerts tabata den alienacion di Red Sox, cu a haci e wega uno mas serca di cas. Y mirando cu e wega tabata ‘mas serca di cas’, esta Miami, hopi a probecha y biaha pa wak y experencia e wega aki mas di serca. Tabatin te hasta package tour di 4 dia pa por a bishita Miami y wak e dos weganan entre Boston Red Sox y Miami Marlins. “Mitar Aruba ta den e stadion aki”, tabata un di e comentarionan ayera nochi. Lamentablemente Boston no a gana e wega, pero e prestacion di Xander Bogaerts tabata suficiente pa satisface esnan presente.

RESULTADO DI WEGA

E prome di dos wega entre Boston y Miami a termina cu e score di 5-4 pa Miami, unda cu Xander Bogaerts a bay di 4-2, unda cu e la dal dos hit, poncha un biaha, y score un careda pa e ekipo. Boston Red Sox no ta na su miho momentonan y de hecho, ta te cu awe, na e ultimo lugar den e standing di liga americano, cu 50 wega gana y 63 perdi y ta 12 wega for di e number uno cu ta new york Yankees. E ultimo 10 weganan nan a perde 5 y gana 5. NOTA. Foto ta cortesia di Pepi Oduber via su pagina facebook.