Marmot Phil: Merca tin 6 siman mas di winter pa soporta

PUNXSUTAWNEY – Merca lo mester ‘soporta’ 6 siman mas di winter. Punxsutawney Phil, e icono di clima cu ta un marmot, a mira su sombra ora cu nan a sak’e dje for di su cueba calor y a pone afor den e aire friu di mainta dialuna. Segun Phil, esaki kiermen cu tin seis siman mas di winter cu ta bini. Tur aña riba 2 di februari — Groundhog Day — marmotnan na tur parti di Merca ta purba haci pronostico di clima pa tempo largo. Phil ta e mas famoso pronosticador di nan tur y e ta biba na Punxsutawney, Pennsylvania. E leyenda ta bisa cu si e mira su sombra, seis siman mas di invierno ta na caminda. Si e no mira su sombra, un primavera tempran ta yega. Na realidad, invierno astronomico ta caba riba e equinox di primavera, tambe conoci como equinox vernal, riba 20 di mart   10:46 di mainta ora di Este, sin importa e prediccion di dialuna. Pero condicionnan di clima no semper ta sigui e calendario — y Phil tampoco. Phil ta haci pronostico di clima desde fin di e añanan 1800 — e historia ta conta cu semper ta tin un solo Phil.