Trabounan avansando pa instala jerbe artificial SV Britannia

Posted on 7/25/2014, 12:15 AM AST | Updated on 7/25/2014, 12:21 AM AST

ORANJESTAD - Desde siman pasa e trabounan a cuminsa ariba tereno di SV Britannia pa cu construccion y instalacion di e turf pa e veld di SV Britannia na Piedra Plat. Tabata un soño di hopi aña cu porfin ta wordo concretisa. Un compania europeo/chines cu kier a drenta e mercado di Caribe a aserca SV Britannia cu un tremendo oferta y asina e C.B. Piedra Plat / SV Britannia a jega na un acuerdo cu e compania di turf aki y tambe cu Geerman Contractor pa cu construccion y instalacion di e turf. Tanto hungadornan como fanaticonan ta sumamente intuciasma cu projecto y directiva di C.B. Piedra Plat / SV Britannia ta sercando comercio di Aruba pa di e forma aki por termina e projecto den luna di september proximo. Un danki special ta bai na tur persona of compania cu di un forma of otro a contribui y ta contribuiendo pa realisacion di e projecto aki.