Diescinco morto den crash di avion di Saerca na Colombia

OCAÑA – A consecuencia di un crash di un avion di e compania charter di avion Saerca, na Colombia, diescinco persona a muri, segun confirmacion di e autoridad di aviacion di e pais sudamericano. E accidente a pasa na frontera cu Venezuela. Poco prome di e aterisahe planea na Ocaña, e control di trafico aereo a perde contacto cu e avion. E lugar unda e avion a desaparece ta un area montañoso cu hopi cambio di tempo, unda ta wordo cultiva hoja di coca, e materia primo pa cocaina, y unda grupo armado ilegal ta activo.

Tabatin trece pasahero y dos miembro di tripulacion riba e avion. Segun medio local, entre e personanan cu tabata riba e avion tabatin parlamentario Diógenes Quintero y candidato di eleccion Carlos Salcedo.

E avion cu ta involucra den e accidente ta un Beech 1900D, un turboprop di dos motor cu capacidad pa diesnuebe pasahero. E avion tabata propiedad di compania di charter SAERCA, cu principalmente ta vola cu avionnan chikito di negocio.