Corte di Amsterdam: Chauffeurnan di Uber ta, na principio, entrepreneurnan independiente

AMSTERDAM - Si un chauffeur di Uber ta un entrepreneur independiente of un empleado, esaki ta depende di e circumstancianan individual di e chauffeur ey. Asina Corte di Amsterdam a dicidi den un caso cu a dura hopi tempo. Corte ta bisa cu no por determina pa grupunan completo di chauffeur cu nan ta empleado na realidad. Cu e decision aki, sindicato FNV a perde e caso legal cu e sindicato a entama na 2020 contra Uber. Segun e sindicato, chauffeurnan di Uber ta empleadonan y Uber mester paga nan segun e convenio colectivo di taxi. Corte no ta di acuerdo cu e razonamento ey. Seis chauffeur a participa cu Uber den e caso aki y e corte ta declara cu tur seis ta entrepreneurnan independiente, entre otro pa motibo di e inversionnan cu nan mes a haci den nan auto. Tambe nan ta scoge mes ora nan ta traha y si nan ta acepta un biahe of no.