Por lo menos ocho morto na Merca door di tempo di invierno extremo

NEW YORK - E tempo di invierno extremo na Merca a causa e morto di por lo menos ocho persona. Mas cu un miyon persona ta sin coriente. Hopi scol y universidad a tene nan porta cerra awe, y na aeropuerto avionnan ta keda na tera. Como medida di precaucion, hopi vuelo ya tabata cancela. Mas o menos 118 miyon persona lo enfrenta e tempo di invierno extremo. Pa 23 estado a declara estado di emergencia. E fin di siman aki, den diesocho estado a cay por lo menos 30 centimeter di sneeuw, segun e servicio meteorologico mericano. “Ta un tormenta unico den e sentido cu e ta asina amplio,” meteorologo Allison Santorelli di e servicio meteorologico a bisa na agencia di prensa AP. “E a afecta area cu ta bay for di New Mexico y Texas te na New England, asina nos ta papia di un area di mas o menos 3200 kilometer.”