Hotelero Ewald Biemans reconoci cu caya na su nomber

ORANJESTAD – Considera como un regalo apropia pa su cumpleaños (awe), y su  trabou incansabel pa medio ambiente, hotelero Ewald Biemans a haya un caya na su nomber . Y mas apropia ainda, un caya cu ta practicamente dilanti su hotel, esta Bucuti y Tara Beach hotel. E caya ta core dilanti Alhambra Casino y yega den e parkinglot di e hotelnan di Biemans. Den curso di e ora (dianan) nan lo emiti un comunicado di prensa riba e tema, pero pa awor, e noticia sigur ta uno cortico pero apropia. Un persona hotelero di curason, y cu tin medio ambiente di Aruba na pecho, ta wordo reconoci di un forma bon mereci. Mesora ora cu e potret di e caya a subi riba rednan social, e comentarionan tabata increiblemente positivo. Un refleho di e caracter positivo di un hotelero di curason. Di parti di NoticiaCla.com, masha pabien pa e hotelero Ewald Biemans cu su cumpleaños y su ‘caya’.