Aeropuerto di Corsou a reporta aña record di trafico di pasahero na 2025

WILLEMSTAD - Curaçao Airport Partners N.V. (CAP N.V.) cu ta operador di aeropuerto internacional di Corsou a reporta   2,461,000 movimiento di pasahero durante aña 2025, marcando un aña record pa e aeropuerto.

TRAFICO DI PASAHERO

Total movimiento di pasahero, tur pasaheronan cu a yegada y sali procesá pa medio di e facilidadnan di aeropuerto, a yega 2,461,000, loke ta representa un aumento di 17 porciento compara cu 2024. Curaçao International Airport (CUR) a procesa:

894,000 pasahero internacional cu a sali, un aumento di 9 porciento compara cu 2024;

151,000 pasahero cu a sali pa Caribe Hulandes, tambe un aumento di 9 porciento compara cu 2024;

1,070,000 pasahero cu a yegada, reflehando un aumento di 10 porciento compara cu 2024.

Distribucion general di pasaheronan pa segmento tabata:

43 porciento yegada

36 porciento salida internacional

6 porciento salida Caribe Hulandes

7 porciento pasahero di transferencia

7 porciento pasahero di transito

CAPACIDAD DI ASIENTO

Capacidad total di asiento a aumenta cu 22 porciento compara cu 2024, principalmente debi na ruta cu ta origina for di Aruba, Atlanta, Bogota, Medellin y Panama. Ademas, ocupacion promedio di asiento durante 2025 tabata 81 porciento.

PARTICIPACION DI MERCADO

Distribucion di trafico di pasahero na 2025 pa mercado tabata asina: Europa (principalmente Hulanda) a keda e segmento mas grandi cu 33 porciento; Merca 22 porciento; Sur America 20 porciento; Caribe 17 porciento; Canada 4 porciento y resto di mundo 4 porciento.

Participacion di trafico di pasahero pa aerolinea ta wordo determina segun frecuencia y tipo di avion. American Airlines a lidera cu 14 porciento di participacion, KLM 13 porciento, TUI 12 porciento, Avianca 9 porciento, Copa Airlines 8 porciento, Corendon 7 porciento, Divi Divi 6 porciento, Z Air 5 porciento, JetBlue 4 porciento y Delta 3 porciento.

RED DI RUTA

Durante 2025, instabilidad geopolitico, cierre di espacio aereo y enlentecemento economico global a agrega complehidad y riesgo na aviacion. Falta persistente di piloto califica, mecaniconan y controlador di trafico aereo ta causa interrupcion operacional y salario mas halto, aumentando e volatilidad di e industria di aviacion.

A pesar di e reto y volatilidad, industria di turismo y hospitalidad di Corsou a experimenta un aña positivo. Curaçao International Airport a retene su red di ruta, a registra crecemento conteni y a posibilita diversificacion adicional pa medio di gateway y sociunan di aerolinea. Red di ruta di e aeropuerto ta consisti di binti dos (22) aerolinea socionan valioso y binti cuatro (24) gateway strategico.

Z Air a reanuda servicio tres biahe pa siman (3x) entre Corsou y Sint Maarten y dos biahe pa siman (2x) entre Corsou y Medellin. Na inicio di december 2025, LATAM a lansa un nobo servicio directo sin escala durante henter aña entre Lima y Corsou tres biahe pa siman (3x), y a complementa e servicio estacional directo sin escala entre Bogota y Corsou tres biahe pa siman (3x). Ademas, American Airlines a lansa un nobo servicio estacional directo sin escala un biahe pa siman entre Chicago y Corsou.

CAP ta comprometi cu e colaboracion publico-priva di e destino, contribuyendo na estimulacion di desaroyo di turismo na un manera sostenible y rentable, y al mes tempo contribuyendo na bienestar di e comunidad.