Caso di suspension di director Arubahuis hermeticamente cera

ORANJESTAD – E caso di supuesto suspension di director di Aruba Huis, Joselyn Croes, ta cera hermeticamente. Despues cu e portal 24ora.com a raporta e siman aki cu a pone Croes riba non-actief debi na un investigacion tumando lugar, no a tende nada mas. For di sra Croes mes, e portal aki a compronde cu e no por bisa nada, te ora cu su caso bin dilanti, unda cu e la saca un relato di prensa riba su caso.  Pues, tin algo, pero e motibo pa cual e caso ta, no ta ‘oficialmente’ conoci. A tuma contacto cu e minister en cuestion, no a duna resultado ainda. 

KICO A PASA

E unico informacion ta cu a suspende e directora, despues cu a haci un investigacion. Durante e periodo ey, e no por a presenta na trabou. Aworaki lo a prohibie entrada na tur oficina di gobierno di Aruba. E motibo pa cual a inicia e investigacion, no ta conoci. Mientrastanto e hurista Shandra John ta keda encarga. Esey kier men cu oficialmente Arubahuis no tin un director y tampoco un minister plenipotenciario. 

PASADO

Den pasado recien, tambe tabatin problema na Arubahuis, unda cu a retira e tempo ey e minister plenipotenciario Guilfred Besaril, cu a cuminsa un caso contra esaki. Ora cu e gobierno actual a  cuminsa traha aña pasa, a propone un gevmin nobo, den persona di Desiree Croes, pero esaki a wordo rechasa pa partido FUTURO. Despues a pone sr Rene Herde como candidato, cu a pasa su screening, ora cu a dicidi ultimo rato cu ‘por lo pronto’, no ta manda un gevmin pa Hulanda mas.