Rutte: ‘Ucraina tin prioridad mas halto cu Groenland’

DAVOS - Chef di NAVO, Rutte, ta ocupa tras di e scena cu e cuestion di Groenland, pero e situacion na Ocraina ainda tin e prioridad mas halto. Esaki el a bisa awe durante e Foro Economico Mundial (WEF) na Davos. Segun Rutte, e aliadonan den NATO no mester laga nan distrae pa e tensionnan riba Groenland y perde di bista e necesidad pa defende Ocraina.

“E enfoque riba Ucraina mester keda e prioridad mas halto; esaki ta crucial pa seguridad europeo y mericano,” Rutte a bisa. “Mi ta hopi preocupa cu nos por perde esaki for di bista y cu e ucranianonan mientrastanto no tin suficiente raketnan di intercepcion pa defende nan mes.”

Presidente ucraniano Zelensky mes no a bay Suisa. E splicacion oficial ta cu Zelensky a dicidi keda na Ucraina door di e crisis serio di energia den e pais, como consecuencia di e bombardeonan roso intensivo riba infrastructura di coriente. Pero, tambe tin otro factor cu ta hunga un rol importante: e falta di un plan di pas pa su pais. Zelensky anteriormente a expresa esperanza cu un plan, cu acuerdonan tocante garantianan, por wordo firma durante e WEF.

Sinembargo, awor cu Trump a dirigi su atencion na otro lugarnan y no tin nada concreto pa firma, Zelensky a dicidi di no bay Davos.