Pasenshi di Union Europeo a caba: Banda di impuesto tambe tin un “bazuca di comercio” cla pa Merca

BRUSELAS - Despues di varios siman di palabra amenazante di presidente mericano Donald Trump, parse cu e pasenshi di Union Europeo a caba. E 27 paisnan miembro a presenta ayera un pakete di medida cu ta suma 93 miyon euro, despues cu Trump a anuncia durante e weekend impuesto di importacion pa ocho paisnan europeo cu ta participa na un mision di Groenland.

Si esaki lo ta suficiente pa haci Trump cambia di idea, ta un pregunta. Pero segun analistanan, esaki no ta e unico instrumento cu Union Europeo tin na man.

“Tur pais ta compronde: awor mester traha un liña duro,” ta bisa analista geopolitico Haroon Sheikh, cu ta liga cu e Universidad Liber di Amsterdam. “Si un aliado ta amenaza pa tuma territorio di un pais europeo, nos no tin otro opcion.”

E ta jama e pakete di Union Europeo un “bon prome señal”. E medida nan ta inclui impuesto di importacion riba producto mericano manera jeans, motornan y avionnan. E producto nan aki ta wordo produci principalmento na parti di Merca unda hopi votador di Trump ta biba. “E pakete aki ta dirigi riba e base di Trump,” ta bisa economista di banco ABN AMRO, Rogier Quaedvlieg. “Union Europeo ta kere cu cu esaki nan por causa daño economico significativo.”

Trump ta bisa cu su impuesto di importacion di 10% pa e ocho paisnan, incluyendo Hulanda, lo drenta na vigor riba 1 di februari. Si e no hala atras cu e plan aki, e contra-impuesto di Union Europeo lo drenta na vigor tambe.