Lidernan politico Hulandes Jetten y Bontenbal y Yesilgoz ta condena Merca

ORANJESTAD - Lider di D66 Rob Jetten y lider di CDA Henri Bontenbal ta uni den nan condena di e tarifa di comercio cu Merca ta kier impone riba un cantidad di paisnan europeo pa motibo di Groenland. Esaki nan a laga mira promé cu nan conversacionnan serca e informador awe.

Jetten ta jama e hecho “sin precedente” cu Merca ta tuma medida asina contra paisnan aliado, mientras cu Bontenbal ta usa e palabra “ridiculo”. Tur dos ta contento cu e anuncio di contra-medida cu Union Europeo a presenta.

Mescos cu Jetten y Bontenbal anteriormente, Dilan Yesilgoz (VVD) tambe ta condena e castigo-impuesto cu Merca ta impone.

“E ta hopi, hopi preocupante y irresponsable,” e ta bisa. “Nos mester otro den e mundo aki como aliado.”

E lider di VVD ta yama e reaccion di Union Europeo “hopi bon”, pasobra e ta pensa riba contra-medida.

“Cu nos ta mustra: nos no ta bay keda riba nos lomba cu pia ariba.”