Neysa Isenia Direktora General (CEO) nobo di IUH (Aqualectra)

WILLEMSTAD – Den reunion di Conseho di Minister, a nombra señora Neysa Isenia RA como e Direktora General (CEO) nobo di Integrated Utility Holding N.V. Señora Isenia ta un accountant di profesion.

Anteriormente, señora Isenia a sirbi durante hopi aña como Direktora Financiero (Chief Financial Officer) di Aqualectra, e compania cu ta encarga cu suministro di coriente y awa na Corsou.

Durante e ultimo añanan, señora Isenia a contribui na un manera determinante na maneho di Aqualectra, particularmento pa cu su stabilidad financiero. Cu su nombramento como CEO, señora Isenia ta sigui duna liderazgo na e organizacion cu un conocemento amplio di e operacionnan di Aqualectra y e retornan cu e sector di energia ta enfrenta. E nombramento di señora Isenia, consecuentemente, ta garantiza continuidat den e maneho di e compania.

Como accionista di e compania, Gobierno di Corsou ta desea señora Isenia tur clase di exito den ehecucion di su funcion nobo como CEO di Integrated Utility Holding N.V.