METEO: Trahando pa acomoda aeroliñanan debi na problema di ekipo

ORANJESTAD - Diamars mainta tempran un di e ekiponan principal di meteo a confrontacomplicacion y a sali for di servicio. Ta trata aki di e equipo cu ta midi entre otro biento, temperatura y presion atmosferico. Esaki tin como consecuencia cu mayoria informacion meteorologico no ta disponibel paaviacion y otro usuarionan. Pa e mesun motibo aki cierto vuelonan a keda afecta y mester a busca alternativanan y algun a cancela. Mesora personal di meteo a comunica cu meteo di Corsow y Hulanda pa por yuda yega na unsolucion mas pronto posibel.

Mester menciona si cu ya desde mas di 3 luna ta conduciendo e procesonan pa compra di ekipo nobo y mientras tanto por spera esakinan na Aruba den e proximo 3 pa 6 luna.

Pa locual ta trata e aerolinianan tur a ricibi nan informacion debido y te ainda tin cu a opta pa te hasta no desvia y ta sigui cu nan itenerario normal.Meteo, Directie Luchtvaart, Aruba Airport Authority, ATA y AHATA conhuntamente ta trahando hunto pa soluciona e situacion.