Cuater persona herida na incendio den centro di Utrecht despues di explosion

UTRECHT - Den centro di Utrecht na Hulanda, un incendio grandi a surgi den un cas na Visscherssteeg despues cu a tende minimo dos explosion. Segun Seguridad Region Utrecht, cu ta papia di un “explosion gigantesco”, tin cuater persona herida. Rond di 15.30 ora, servicio  di emergencia a ricibi hopi yamada tocante explosion, y tur ekipo di rescate a sali pa e lugá. E caya Springweg y Mariaplaats den cercania a wordo cera.

Segun e region di seguridad, varios edificionan a cay despues di e explosion, un anuncio cu a yega antes di 18.30 “Awor tur ta enfoca riba mira si tin hende bou di e murayanan,” asina  e alcalde Sharon Dijksma a bisa. Rond di 5’or ora, e candela a pasa pa un panaderia cerca. Bomberonan ainda ta pagando e candela y ta mira si por drenta den edificionan daña pa busca si tin persona aden.