Lider di oposicion venezolano Maria Corina Machado ta topa president mericano Donald Trump

WASHINGTON - Presidente di Merca, Donald Trump, y lider opositor di Venezuela y Premio Nobel di Paz, Maria Corina Machado, lo tene un almuerzo awe diahuebs 15 di januari na Cas  Blanco pa papia tocante situacion den Venezuela despues di captura di Nicolas Maduro. Segun agenda oficial di Machado, Trump lo ricibi e lider opositor pa 12'or di merdia y almuerzo lo ta pa 12:30, ora di Washington, den un comedor priva  den Cas Blanco, cu porta  cera sin prensa presente. Despues di almuerzo tin programa pa un encuentro cu senadoranan pa  3’or di atardi. E reunion ei, cu ta e prome entre nan dos, ta tuma luga casi dos siman despues cu Merca a kita Maduro di poder durante un atake na Venezuela dia 3 di januari, caminda tanto Maduro como su esposa Cilia Flores a wordo  transporta pa New York pa wordo juzga pa narcotrafico.

Te awor, Trump a mantene Maria Corina y oposicion venezolano for di e proceso di transicion den Venezuela, caminda vice presidente Delcy Rodriguez a tuma mes e poder como presidente encarga cu aprobacion  di Washington.