Ainda tin centenares di maleta cu a keda atras na Schiphol

SCHIPHOL - Na aeropuerto Schiphol tin hopi maleta cu ainda no a wordo entrega despues di problema cu mal tempo siman pasa. Un vocero ta calcula cu ta trata di centenares di maleta, pero e no por duna un cifra presis. Aerolineanan y e empresa cu ta maneha bagage ta traha duro pa hiba nan na nan doño. Siman pasa, hopi buelo a wordo cancela varios dia pa motibo di sneeuw y biento fuerte. Hopi maleta a yega despues di e pasahero. Pesey, un parti di e maletanan a keda para na Schiphol. E vocero no por bisa ora tur e maleta lo wordo entrega: “Esaki ta dependente di aerolineanan y e maneho.”

KLM TA CERCA SOLUCION E ATRASO

KLM, cu tabata e aerolinea cu mas cancelacion, ta bisa cu semper tin maleta cu keda, pero e cifra tabata mas halto siman pasa. Segun un vocero, e situacion casi ta resolvi. “Casi tur maleta cu a keda atras siman pasa ya a wordo entrega na pasahero o na e destino unda nan a bay. Den e ultimo caso, maneho local ta entrega e maleta.”

20 MIL MALETA MAS PROMA

Prome dia di Pasco tabatin tambe hopi maleta cu a keda para. Despues cu un parti di sistema di maleta a haya un problema tecnico, rond di 20.000 maleta a keda atrasa. A tuma hopi dia pa manda tur e maleta.

DISCUSION NA HULANDA

Awor trafico di buelo na Schiphol ta bayendo normal. Pero siman pasa tabatin hopi discusion si Schiphol tabata bon prepara pa mal tempo. E vocero no por duna informacion si aeropuerto a ricibi claim di aerolineanan of otro persona molesto.