Baltimore Orioles a firma arubiano Gillian Wernet pa pitcher

ORANJESTAD - Despues di dos aña di trabou, e arubiano hoben pelotero di 16 aña Gilian Wernet a firma diadomingo pa bira pitcher di e ekipo di grandes ligas, esta Baltimore Orioles. E agente Calvin Maduro ta esun cu a firma Wernet, despues di a sigui su pasonan pa 2 aña largo. E no tabata un desicion facil ni pa Maduro ni pa e famia. Pero finalmente e famia a dicidi y Maduro tambe y e firmamento a tuma lugar. Cu e hecho aki, Aruba ta conoce otro prospecto cu por pone Aruba su nomber den halto. Maduro mes un ex pitcher, awor ta e.o. fungi como scout pa e ekipo cu antes e la pitcha pe. Riba e combinacion di foto por mira e momentonan importante di e firmamento diadomingo anochi. Gillian ta bandona Aruba 12 di september pa 4 siman, specificamente Sarasota Florida, pa cuminsa na e 'instructional league'. Despues na november e lo muda pa Winterball na Republica Domincana te prome cu pasco.