Curacao Medical Center ta nombra director medico nobo

WILLEMSTAD – Curacao Medical Center (CMC) a nombra Ludmilla Garmers como director medico nobo. Despues di un proceso di seleccion largo, Garmers, cu ta original di Curacao, ta bolbe su isla pa pone na servicio su experencia den formacion medico, maneho di hospital y cuido agudo pa fortalece sector di salud local. Garmers tin hopi aña di experencia den salud. E tabata hefe di departamento di Anestesiologia y Maneho di Dolor, a tene diferente posicionnan di liderazgo den hospitalnan y tambe a dirigi organismo di mediconan specialisa.

Segun CMC, e ta conoci pa su estilo di liderazgo colabora, habri y transparante, cu semper ta pone seguridad di pacientenan y calidad di cuido na centro, mes durante cambio administrativo. E lo cuminsa oficialmente den su cargo den siman di 30 maart 2026. Hospital ta spera cu su liderazgo lo contribui pa duna cuido seguro, eficiente y haltu nivel na pueblo.

FOCUS

Segun Filia Kramp, presidente di organismo di supervision, focus pa e aña aki ta riba fortalesa base operativo y sigui mehora procesonan medico y servicio di salud. Kramp ta bisa cu e conocemento y vision di Garmers lo keda di gran balor den esfuersonan aki. Posicion den direccion pa finansa y operacionan ainda no a wordo yena.

Organismo di supervision ta spera di sali cu mas informacion rond di esaki den simannan cu ta bin.