Caribbean Journal: Aruba den top 10 di beach di Caribe pa casamento

ORANJESTAD – Aruba tin un di e miho 10 beachnan den Caribe pa casamento. Segun un encuesta publica awe pa e porta renombra Caribbean Journal, Aruba tin e di 4 beach mas bunita pa casamento, net despues di Grand Cayman y prome cu Bahamas. Segun e encuesta, e ta un fantasia pa casa riba un beach den Caribe. Y basa riba e facilidad cu esaki por tuma lugar, y tambe e localidad di e beach, Aruba ta cumpli cu e rekisitonan. Na prome lugar tin Puerto Rico, sigui pa Turks & Caicos, Grand Cayman, Aruba, Bahamas (tin posicion 8 y 9 tambe), Anguilla, y St John ta sera e grupo.

POSIBILDIDAD

Aruba ta conoci pa e posibilidad di casa pareha riba beach. Y gobierno tambe a facilita e forma con pa haci esaki legalmente. Como tal e ta un ‘big business’ riba nos isla. Constantemente nos ta tuma nota di casamento nan riba beach di Aruba. Practicamente cada hotel tin un departamento dedica na e posibilidad aki, y un cantidad tambe di ‘persona encarga full time’ cu e proceso aki.