Merca ta prohibi modelo nobo di drone stranhero manera e gigante DJI

WASHINGTON - Drone fabrica na China a domina e mercado na  Merca durante añanan, cu doño priva, departamentonan di policia y brandweer usando nan den henter e pais. Pero un regla nobo cu Comision Federal di Comunicacion (FCC) mericano a anuncia diarazon, ta haci imposible pa e consumidor mericano cumpra e prome generacion nobo di e drone nan aki.

FCC a prohibi e importacion y benta di tur nobo modelo di drone y ekiponan critico cu ta wordo fabrica pa productor stranhero, incluyendo e productor di drone mas grandi di mundo, DJI. E decision a wordo tuma door di agrega nan na un yamado “Covered List” di entidadnan cu, segun e FCC, “ta representa un riesgo inaceptable pa e seguridad nacional di Estados Unidos”.

E decision di FCC, aunke e ta exclui e modelo nan cu ya tabata aproba pa benta y esnan cu ta actualmente na uso, ta marca e culminacion di un proceso cu a dura añanan pa restringi drone Chines, manera esnan cu DJI y otro productor grandi, Autel Robotics, ta fabrica.

DJI a expresa su decepcion riba e decision, cu tambe por molestia hopi usuario di drone den e pais. DJI so ta controla mas o menos 70% di e mercado global, segun dato di e compañia di investigacion di mercado Research and Markets. Aparte di uso den sector publico, drone chines a wordo usa ampliamente den Merca pa tarea manera inspeccion di infrastructura y construccion, monitoriamento di cultivo agricola, y tambe pa videografo professional y aficionado.