Negoshi di meubels y matras usa na Tarabana a kima full

ORANJESTAD – Un lugar di traha y bende meubels y matras na Tarabana a kima completamente diamars marduga. Ta trata di Bonita Upholstery and Matrass cu ta conoci pa bende cos usa di hotel manera muebles y matrass. . E candela mes a cuminsa den careda di 4 or di marduga. A usa 3 truck di bombero y un hoogwerker pa combati e candela. Esaki no a resulta un trabou facil. E huma mes a plama y cubri practicamente henter di Oranjestad den algun rato. Bomberonan si a logra controla e candela pa e no plama den e lugarnan na banda, incluyendo un tireshop na banda. Awe mainta 10’or ainda polis tabatin camindanan cu ta dirigi pa e sitio, cera. Potret ta cortesia di Cool FM.