Rusia ta sostene Venezuela ‘completamente’ den conflicto cu Merca

WILLEMSTAD – Venezuela ta ricibi “sosten completo” di Rusia den e conflicto cu ta subi cu Merca. Esaki ta wordo confirma pa tur dos pais despues di un combersacion telefonico entre nan ministro di relacion exterior. E ministronan a discuti e bombardeonan mericano riba supuestonan barco di droga serca costa di Venezuela y e confiscacion reciente di dos tanker di petroleo den mesun awa. Segun informacion, durante e atacanan aki por lo menos cien hende a perde nan bida, sin cu tin proceso legal previo.

COOPERACION DEN ONU

Ministro di relacion exterior di Rusia, Sergej Lavrov, a bisa cu e paisnan a bin na un acuerdo pa fortalece cooperacion, specialmente den marco di Naciones Unidas. Segun Lavrov, esaki ta cu objetivo “pa sigura cu soberania estatal y asuntonan interno wordo respeta” y cu no tin interferencia for di pafó.

CONSEHO DI SEGURIDAD TA REUNI

E Consejo di Seguridad di Naciones Unidas lo reuni mainta riba peticion di Venezuela pa discuti e tensionnan cu ta sigui subi entre Merca y e pais sudamericano