Aruba ta amplia regla fiscal pa condicionnan di trabou

ORANJESTAD – Aruba lo ahusta for di 1 januari e tratamento fiscal di condicionnan secundario di trabou di manera considerable. Den un reglamento ministerial  nobo ta amplia e compensacionnan sin belasting, ta ahusta forfaitnan y ta introduci nobo facilidadnan fiscal pa patronnan y trahadornan. E cambionan aki a wordo publica e siman aki den e Afkondigingsblad van Aruba. E reglamento ta modernisa e reglanan existente pa nan encaha mihor cu e mercado di trabou actual y mobilidad internacional. Asina, e regla fiscal pa uso di auto di trabou ta wordo ahusta, cu un bijtelling mas abou pa vehiculonan hibrido y totalmente electrico. Tambe ta establece compensacionnan fiho sin impuesto pa costonan di auto, costonan di representacion y uso di telefon y internet, dependiente di funcion di e trahador.

SALUD Y BIENESTAR

Ademas, e gobierno ta introduci nobo compensacionnan sin impuesto pa salud y bienestar, incluyendo costonan pa deporte, mindfulness y educacion. Pa biahenan di servicio lo tin un compensacion fiho di diet, sin cu mester warda prueba di cada gasto. Tambe compensacionnan pa bisti di trabou y ciertonan di compensacion pa boluntarionan ta wordo exclui explicitamente for di impuesto di salario. Pa haci mas facil pa atrae personal, lo ta posible un bono di firma sin impuesto pa trahadornan cu ta wordo recluta for di exterior. Pa expatriatenan, e condicionnan y termino pa facilidadnan fiscal ta wordo ahusta y den algun caso prolonga. Mesun momento, varios monto maximo ta wordo aumenta y definicionnan ta wordo afina pa haci e aplicacion di e reglanan mas cla. Segun e splicacion, e  reglamento  nobo  mester aporta mas claridad, flexibilidad y un ehecucion balancea di e politica fiscal rond di condicionnan di trabou. E cambionan ta aplica pa tur relacionnan di trabou relevante for di 1 januari 2026.