Eman: Merca a garantisa cu avionan di guera lo tene transponder cendi den region

ORANJESTAD - Merca a garantisa Aruba cu avionan di guera lo tene transponder cendi, den region pa seguridad.   Diaranson merdia e convoca un conferencia di prensa extraordinario na Bestuurskantoor, caminda Prome Minister di Pais Aruba a duna informacion importante riba e situacion tumando luga den espacio aereo y maritmo den region.

Premier Eman a indica cu a tene diferente contacto cu stake holders, agencia y instituto pa garantisa e siguridad di espacio aereo y maritimo den nos region. Esaki ta pa garantisa coredornan aero y maritimo den nos region pa garantisa trafico di barco y avion sin inconveniente. 

Notable ta cu e minister tabata usa e palabra 'ehercisio' mientras cu e loke cu e avionan ta haciendo claramente no ta ehercisio sino un operacion concreto pa combati sea droga of otro cos. Pero, Eman a  opta pa usa e palabra 'ehercisio y ta bisa cu 'lo tin intesificacion di diferente 'ehercicio' militar den region, esaki ta algo cu e comunidad mes tambe a tuma nota di dje. A tuma contacto cu Consul di Merca na Corsou relaciona cu e inkietud cu ta reina den e pueblo y asina a urgi Merca, a traves di canalan diplomatico pa avionan den nos espacio aereo tin nan transponders cendi. Transponder ta e aparato abordo di un avion cu ta manda señal cu e t’ey presente y cu tur esnnan rond, incluyendo toren di control y otro avionan por keda alerta. Awor tin palabracion cu a logra y di cual lo tene nan mes na dje. 

TABATA SPIRITO

Loke a conduci na e miedo grandi ultimo, ta cu e avionan di guera manera practica ‘normal’, tabata paga na transponder pa no alerta e ‘enemigo’ di nan presencia. Problema ta cu avionan comercial den region inmediato, no tabata mira nan tampoco creando peliger serio unda cu varios biaha caba avionan comercial a hera dal den e avionan di guera. Esaki ta e prome biaha cu gobierno di Aruba a comunica cu comunidad publicamente riba e tema aki.