RMR: Obligacion di VOG mester stop fraude cu paspoort hulandes

DEN HAAG – Empleadonan di municipionan den Hulanda y di e entidadnan publico Bonaire, Saba y Sint-Eustatius cu ta traha cu paspoort y carchinan di identificacion mester tin un Verklaring Omtrent het Gedrag (VOG). E gabinete ta pone e cambio di e Paspoortbesluit den consultacion. E medida mester yuda preveni fraude cu documentonan di biahe for di 1 di januari 2027. Den pasado, criminalnan a logra ricibi paspoort Hulandes via municipionan. Empleadonan corrupto a entrega pasaport contra pago segun pedido. Criminalnan ta usa e dokumentonan aki pa pasa frontera y pa keda for di alcance di polis y husticia. “No tin lugar pa fraude ni corrupcion den gobierno,” segun secretaris di estado Eddie van Marum. “Ciudadanonan mester por confia cu un pasaport o carchi di identificacion ta wordo entrega den manera segura y cu cuido. Door di screena regularmente e empleadonan cu ta haci e trabou aki, nos ta reduci e chance di abuso y ta aumenta e seguridad di nos empleadonan y di e sociedad.”

SCREENING CADA DOS AÑA

E obligacion di VOG ta aplica pa personal fiho y temporal cu ta involucra den solicitud y entrega di documentonan di biahe. Municipionan y entidadnan publico mester manda screen  e empleadonan na inicio y despues cada dos aña. E gastonan anual lo wordo compensa via e sistema di leges, pa asina ciudadano y municipio no paga mas. E consultacion ta core te februari. Despues di introduccion den 2027, municipionan y entidatnan publico tin un aña pa cumpli cu e obligacion.