Accion di trahadonan Cool Casino tabata pa sostene coleganan suspendi

ORANJESTAD – Si biaha pasa e accion di trahadonan di Cool Casino no a tuma lugar, ayera nochi cos tabata diferente. Gerente di e casino a confirma na NoticiaCla.com cu e trahadonan di e casino a bay den protesta durante 2 ora diahuebs anochi. “Segun e sindicato (FTA) , cu tin tres trahado suspendi, y cu e empleadonan kier pa nan cuminsa traha bek” e gerente a sigura NoticiaCla.com. Y a confirma cu pa awor e trahadonan en cuestion ta ‘keda suspendi’.

CASINO NO A AFECTA

Den combersacion cu e gerente, el a desmenti cu e casino su operacion a wordo desrumpi. “E casino a drey normal”. De hecho a mustra cu tanto e casino como hotel ta practicamente yen, y cu e casino a keda habri normal pa publico. E reunion mientrastanto, cu a tuma lugar dialuna ultimo cu e sindicato, ‘ a bay hopi bon’ segun e gerente a bisa.

FIN DI SIMAN

Den fin di siman cu a pasa, tabatin informacion cu lo tabatin un accion di trahadonan riba diasabra siman pasa. Sinembargo a resulta cu ningun momento no tabatin un accion, sino mas bien cu e trahadonan tabata ‘a punto di bay den accion’. E gerente a desmenti esey e siguiente dia, indicando cu tur cos tabata bon, y cu e trahadonan a traha te hasta mas cu normal pasobra tabata hopi druk. No ta conoci si e accion