Marleen van der Borgt ta managing director nobo di Aruba Bank

ORANJESTAD -Aruba Bank N.V. den fin di siman a anuncia cu Sra. Sharon Fränkel-de Cuba lo retira como Managing Director riba 31 di december 2025, despues di 15 aña di liderazgo den e rol y mas cu tres decada di servicio den e sector bancario den e region. Sharon a drenta Aruba Bank na 2004 y a bira Managing Director na 2010. E ta conoci pa ta un lider calmo cu ta guia cu claridad y cu curason. Ela brinda stabilidad durante e pandemia di COVID-19 y a guia e adquisicion y integracion exitoso di e portafolio di CIBC Aruba, un di e multiple logronan di e banco. 

 MANAGING DIRECTOR NOBO

For di prome di januari 2026, e Hunta di Comisarionan di Aruba Bank a nombra Sra. Marleen van der Borgt, Executive Director di Finance & Asset Liability Management (ALM), como Managing Director di Aruba Bank. Cu mas di 12 aña di experiencia na e banco y un base fuerte den finanza strategico, risk management y liderazgo organisacional, Sra. van der Borgt ta bon posiciona pa guia Aruba Bank den su siguiente era di crecemento sostenibel, innovacion y servicio na cliente.