Actor/director di pelicula Rob Reiner y su casa haya morto den nan cas, di posibel asesinato

LOS ANGELES – E director di pelicula y actor mericano conoci Rob Reiner y su casa Michele a wordo haya morto den nan cas na Los Angeles. Revista People ta reporta abase di varios fuente cu nan a wordo mata pa nan yiu.

Brandweer local a encontra dos curpa den e cas di Reiner ora nan a wordo alarma rond 15.30 ora local. Detectivenan di e departamento di homicidio ta investiga e caso. E portal di chisme normalmente bon informa TMZ ta reporta cu e dos victima tabata tin heridanan di cuchu.

Familia di Reiner a confirma cu e director di 78 aña y su muher di 68 a fayece. “Cu profundo tristesa nos ta anuncia e fallecimento tragico di Michele y Rob Reiner. Nos ta hopi doli pa e perdida repentino aki y nos ta pidi privacidad durante e tempo incrediblemente dificil aki”, asina un portavoz di e familia a declara.

Rob Reiner ta conoci entre otro manera como director di filmnan manera Stand by Me, The Princess Bride, When Harry Met Sally y A Few Good Men. E tabata tambe actor y a actua, entre otro, den All in the Family, un sitcom conoci di añanan 70, y den filmnan Sleepless in Seattle y The Wolf of Wall Street.