OM: Buscando ayudo pa soluciona caso asesinato Lalo Webb

ORANJESTAD – Ministerio publico ta pidiendo ayudo cu e caso di e homber asesina Lyandro (Lalo) Webb. Manera ta conoci, riba 19 di maart 2015 Webb (Lalo) a wordo haya sin cu e tabata duna señal di bida, den un auto den cercania di Indian Rock Garden na Hooiberg. Ministerio Publico y Polis a cuminza na e momento ey cu un investigacion profundo, cu te dia di awe ta andando.

YAMADA

“Pa medio di esaki, Ministerio Publico y Polis ta haci un yamada urgente na personanan cu ta dispone di informacion den e caso aki pa meld nan mes na Polis: sea personalmente na warda of na recherche na Frankrijkstraat 7 na Oranjestad ,of door di yama 100, of door di, eventualmente anonimo, yama tiplijn na 11141. Si Bo persona tin informacion tocante e morto di Webb, anto tuma contacto cu Polis mas lihe posible!” ta e peticion di ministerio publico.