Ganador di Nobel María Corina Machado no lo ta presente na ceremonia, ‘pero lo yega Oslo’

OSLO - Lider oposicion di Venezuela, María Corina Machado, no lo ta presente na entrega di Premio Nobel di Paz, pero e lo yega   Oslo. Esaki ta segun hefe di Instituto Nobel Noruego durante un declaracion na e medio NRK.

Riba su website, e organisacion ta bisa cu Machado “ta sigur y cu lo ta hunto cu nos na Oslo”. Den e declaracion no ta menciona si e lo hasi un aparicion publico si of no.

Den e ultimo dia, e organisacion di Premio di Paz a bisa cu Machado lo ta presente na ceremonia, aunke tabatin duda si e lo haci esaki fisicamente of via video. Diamars mainta, e Instituto Nobel a bisa cu Machado no lo ta presente den ceremonia, pero poco despues a sali cu un otro declaracion cu e lo viaha no obstante pa Noruega.