MICHAEL LAMPE & DATAPANIK CU CANCION NOBO ‘ CONTENTO’

ORANJESTAD - E conocido grupo "Datapanik" di e productor Michael Lampe ta lansa un tema nobo riba mercado titula "Contento". Michael Lampe & Datapanik ta conosi como un di pioneronan den trese nos musica tradicional di Tambu y Caha di orgel bek den un generacion nobo y tin un cantidad grandi di hits riba nan nomber. E tema "Contento" ta hunto cu Xavi Croes, un mucha homber di 4 anja cu for di chikito caba ta canta pa su famia.  Un atardi e la canta un cancion di alegria pa Michael y esaki a bira e base di inspiracion pa e cancion nobo cu un mensahe positivo di Datapanik.  Contento ta e prome tema cu ta sali for di e Album nobo di Datapanik cu lo ta riba mercado den algun siman. Check e facebook di Datapanik pa scucha e tema & tambe pa mas informacion pa cu e album nobo y conciertonan di Datapanik