María Corina Machado ta bai Oslo pa ricibi Premio Nobel

OSLO – Lider di oposicion Venezolano María Corina Machado, cu ta ‘scondi’, lo bai Oslo diaranson pa ricibi   su Premio Nobel di Paz personalmente. E comite Nobel a confirma cu e lo ta presente. Kristian Berg Harpviken, hefe di comite Nobel, a papia cu Machado y a confirma su bishita, pero sin duna detayes. Gobierno di Venezuela ta considera Machado manera “fugitivo” si e lanta for di pais pa bai na ceremonianan di entrega di e premio.

Machado a sconde despues di e reeleccion di presidente Nicolás Maduro na juli 2024. Durante e protestanan ontra e eleccion cu hopi hende ta considera fraudulento, mas ku 2400 hende a keda deteni. Awe mes, e la bolbe pidi pa protesta contra e regimen.

Machado ta considera Maduro manera un baron di droga, mesun manera cu presidente di Merca Donald Trump ta mire, y no manera un hefe di estado legitimo. E la dedica e Premio Nobel na Trump.