Concepto 'Sharing Economy' presenta duarnte Atech Conference

ATECH NEWS: KICO TA ‘SHARING ECONOMY’?

ORANJESTAD - E fenomeno di ‘Sharing Economy’ ta haci cu cada un di nos por cuminsa un negoshi of tin un extra entrada for di nos mesun cas cu solamente un computer y un coneccion di internet. Un bon ehempel ta AirBnb cu ta un startup hopi conoci den e sector cu ta wordo yama "sharing economy" of "collaborative economy". Unda transaccionnan ta wordo haci via un website entre individualnan - direct, sin cu tin cu bai via un compania grandi. Pues en corto, creando entrepreneurs for di cas. 

COMIENSO

AirBnB a cuminsa momento cu 2 amigo tawata bashi y nan no tawata tin suficiente plaka pa paga nan huur. Dado momento tawata tin un conferencia grandi tumando lugar na San Francisco, unda nan mes ta biba, y tur hotel tawata yen. Asina nan a dicidi di verhuur un paar di matras y cushina desayuno pa hende cu kier huur e matras pa un anochi. Asina nan a logra verhuur 3 matras pa $80 pa anochi. Nan a bin ripira cu esaki por ta un negoshi y nan a crea un wesbite. Awe e website ey ta conoci como AirBnB cu ta balora na 25 billion di dollar! 

CONFERENCIA

Na ATECH*, tumando lugar 28 y 29 di augustus, ta bai tin diferente orador cu ta experto den Sharing Economy y cu tin startups den Sharing Economy. Un di nan ta Melissa O'Young cu ta Head of Community di e compania Billonario AirBnB, kende recientemente ATECH* a informa Aruba di dje. Pa mas informacion pa cumpra of reserva bo carchi di entrada por bishita www.atechconference.com/tickets/. Tambe por sigui tur desaroyo ariba www.facebook.com/ATECHConference