Grupo Palace: Lo inverti awor na Sto Domingo envez di Aruba

ORANJESTAD – Grupo Palace, lo hiba nan proyecto hotelero pa Republica Dominicana enbez di Aruba. Asina e doño Jose Chapur Zahoul a declara awe. Nan a haya un acogida pa parti di autoridad dominicano cu a mustra cu eynan si nan lo por haci negoshi y crece. Nan ta bisa esaki despues di nan ‘intento frustra na Aruba’ unda cu ‘dos negoshacion no a prospera’.

ASERCAMIENTO Segun e website Reportur.mx, e grupo a haya un bon acercamento pa autoridadnan dominicano den e embahada mexicano. E inversion cu nan kier haci, lo por ta uno di di por lo menos 400 miyon dollar, pa construi un desaroyo for di nada, aunke no a aclaria na unda e propiedadnan lo wordo construi.

TUMA HOTEL OVER

E informacion cu NoticiaCla.com tin, ta cu nan a purba tuma dos hotel over na Aruba, pero e negosacionan no a logra algo positivo.

REACCION ARUBA

Den un reaccion na NoticiaClacom, minister di turismo Otmar Oduber a bisa cu e no ta corda cu a sinta cu e grupo aki. “E nomber no ta aparece cu mi lo a sinta cu nan” Oduber a bisa. Posiblemente lo ta trata un proyecto di all inclusive y cu esey lo no ta interesante pa e grupo aki. “Definitivamente pa tuma over hotel, mi no sa nada. Pero atrobe, mi sa cu e grupo di EM, tabata interesa cu Aruba y a papia cu diferente hotel, pero mirando e cambio di ley bezig, por ta a ‘scare them off’” e mandatario a finalisa bisando.

.