Hulanda: No tin amenaza agudo, pero tin preocupacion tocante migracion pa Caribe

DEN HAAG – Gobierno hulandes ta bisa cu actualmente no tin ningun amenaza agudo pa Reino, pero e ta confirma den mes tempo cu Aruba, Boneiru y Corsou ta preparando pa diferente scenario debi na e motibo geopolitico cu ta subi den region. Esaki ta wordo menciona den reaccion di gobierno riba e lista di acuerdonan di IPKO.

Segun gobierno, paisnan aden di Reino ta sigui desaroyonan den region di cerca. Ministro di Defensa y Asuntonan ta sigui e situacion activamente y ta informa gobierno di Aruba y Corsou y gezaghebber di Boneiru constantemente. Si ta necesario, islanan por conta riba sosten for di Hulanda via e structura di colaboracion cu ta existi den statuut.

MIGRACION

Den mesun carta di gobierno, e ta reconoce explicitamente e preocupacion tocante aumento di migracion pa Aruba, Corsou y Boneiru. IPKO a pone esaki na atencion.

Gobierno hulandes ta bisa cu paisnan lo continua sigui e fluhonan di migracion di cerca, den relacion cu e desaroyonan geopolitico mas amplio den Caribbean.