- Le Lanchon: Gaia House of Grill ta Aruba su ‘upscale’ restaurant mas nobo di Aruba
- Prijs di gasoline ta habri aña cu un reduccion considerabel diaranson
- Cantante Julio Iglesias (82) acusa di violacion y explotacion di empleadonan hoben
- Tres shen studiante caribeño lo ricibi guiamento adicional pa nan estudio na Hulanda
- Rey Willem-Alexander: ‘Hulanda y Corsou lo yega leu na Mundial’
Aruba Youth Monitor ta revela preocupacion clave den salud mental y bienestar na scol
ORANJESTAD - HOPE Aruba y Centre for Lifelong Learning (CLL) di Universidad di Aruba a tene un simposio nacional pa presenta e resultadonan mas nobo haya di e monitor pa Hubentud Arubiano Post-COVID cu yama Kwaliteit van leven van de Arubaanse jeugd (Calidad di Bida di Hubentud Arubiano), mustrando preocupacion claro tocante salud mental, experiencia na scol y siguridad den bario entre nos hobennan. E simposio nacional a tuma luga diamars ultimo, 25 November den e sala Maria Convent na Universidad di Aruba.
E Monitor pa Hubentud despues di COVID ta representa un set di data nacional unico cu ta cubri henter e populacion di hoben Arubiano entre edadnan 10 pa 12, pero tambe tur e alumnonan di eerste y tweede jaar di educacion secundario special a completa e cuestionario, cu permiso di nan mayornan. Tur directiva di scolnan a colabora, mas cu 100 profesionalnan riba e tereno di educacion a wordo entrevista, y discusionnan den grupo cu mayornan, a añadi contexto esencial. Hunto, e esfuerso aki a resulta den un di e setnan di data di bienestar pa Hubentud di mas comprensivo den e region. E informacion aki ta revela e retonan interconecta rond di salud mental, experiencia na scol, condicionnan den famia y e ambiente den bario. Hopi hoben a raporta di tin carganan emocional, sosten limita na scol, stress na cas y preocupacionnan tocante siguridad den nan comunidad.
E estudio a wordo guia door di Dr. Paula Kibbelaar di e Instituto Pedagogico Arubano, cu analisis cuantitativo door di Profesor Dr. Annemarie Slotboom y Profesor Dr. Jan Hendriks di Vrije Universiteit Amsterdam. E ekipo di estudio aki a ricibi sosten di e profesionalnan di IPA, Janneke Dapper, Gregory Goedgedrag, Rainier Kock, Marvin Odor y Marlene de Cuba. Minister di Educacion, Hobennan, Innovacion, Relatonan di Reino y Deporte, Sra. Gerlien Croes, a habri e simposio y a pone enfasis ariba e importancia pa uza e informacion aki pa mehora e sosten pa hubentud y desaroyo.
E simposio a presenta un panel di hubentud cu representantenan di Parlamento Hubenil, modera door di Jessica Besselink, Project Officer di HOPEAruba. E participantenan hoben a comparti reflexionnan honesto di nan realidadnan diario. E simposio a tuma luga un poco despues cu Aruba a celebra e Dia di Derecho di Mucha, reafirmando e compromiso pa sigura cu cada mucha ta wordo scucha, proteha y sosteni. E presencia di e representantenan di hubentud a demostra e balor di duna e hobennan un bos genuino den discusionnan y decisionnan cu lo forma nan bida.
Un panel di expertonan modera door di Michele Brooks a provee un bista mas profundo den e significacion patras di e data. Panelistanan Raymicheline (Misha) Raymond, Jonathan Trinidad, Dalgis Montalve y Jennifer Margaretha a discuti e conexion entre cas, scol, y bario; e necesidad pa sosten di mayor accesibel; capacidad di docente y bienestar di scol; condicionnan di bario; y e importancia pa institucionalisa e Monitor pa Hubentud como un herment pa por keda uza pa por tene intervencion na tempo y desaroyo di polisa a largo plaso. E simposio tambe a pone enfasis ariba e importancia pa tene midinan di follow-up regularmente cada 3 aña, sigurando asina cu Aruba tin e data continuo cu e mester pa forma polisanan y solucionnan pa hubentud efectivo y di tempo largo.
Como un organisacion dedica na transformacion social, poderando individuonan y conectando organisacionnan, HOPE Aruba ta reconoce cu e informacion aki ta demanda mas cu djis preocupacion; nan ta rekeri accionnan coordina ancra den evidencia, colaboracion y compasion. E anochi a culmina cu reconocemento di tur partner, incluyendo e gobierno di Aruba, Departamento di Enseñansa, Instituto Pedagogico Arubano, Vrije Universiteit Amsterdam, Centre for Lifelong Learning na e Universidad di Aruba y e comunidad mas amplio di educadonan y famianan cu a contribui na e estudio.
Aruba awo tin e data, y HOPE Aruba ta haci un yamada na tur partner pa uni pa transforma e informacion aki den accionnan concreto coordina cu lo fortalece, sostene y proteha e bienestar di cada mucha.
Tres shen studiante caribeño lo ricibi guiamento adicional pa nan estudio na Hulanda
DEN HAAG – Rond di tres shen studiante for di Caribe lo ricibi e aña aki mas apoyo pa nan estudio na Hulanda. Strategic Education Alliance (SEA) a desaroya programanan nobo pa esaki. SEA a traha un programa di preparacion pa e islanan ABC, hunto cu University of St. Martin. Isla Riba tabatin programanan parece rond di universidad na Aruba y Corsou. Ademas di esaki, SEA a crea un programa di salida hunto cu hogeschoolnan Hulandes pa studiante cu lo bai studia na Hulanda.
AZV a lanza logo relaciona cu 25 aña di seguro AZV
ORANJESTAD – Recientemente meymey di invitadonan y partnernan di sector di cuido di Aruba, di Colombia y e famia di Organo Ehecutivo AZV (OE AZV), Prome Minister Mike Eman, Minister Mervin Wyatt-Ras y director di OE AZV Edwin Jacobs a desvela e logo cu durante 2026, OE AZV lo uza relaciona cu 25 aña di existencia di nos seguro AZV.
VIDEO: Grupo di prensa local a conoce e restaurant mas nobo ‘Gaia House of Grill’ na JOIA Aruba
ORANJESTAD – Un grupo di prensa local a keda invita diabierna ultimo, pa e evento titula ‘The First Table at Gaia’, cu ta duna e grupo selecta di prensa, un prome bista di e restaurant mas nobo di Aruba, Gaia House of Grill, situa den e hotel mas nobo di Aruba, JOIA Aruba by Iberostar. E gerente di mercadeo di JOIA Aruba Rudolfo Dirkz a splica en corto, con a bay cu e anochi special aki.
Famia di turista cu a muri tragicamente na Aruba, ta papia, y curpa ta 'pega' na Aruba ainda
ORANJESTAD - Famianan di un mama di suburbio cu tin cinco yiu a publica un comunicado despues di cuater dia despues cu nan a haña su kurpa morto den un cuarto di hotel na Aruba, despues cu su esposo a salta for di e dak pa su morto. Noticiacla a compronde tambe cu e curpanan ta na Aruba ainda, debi na un situacion logistico. Un scanner cu mester trata e curpanan prome cu pone nan riba avion bek pa Merca, ta defecto, y tanten cu esaki no sosode, e curpanan no por bandona Aruba. Mientrastanto e comunicado cortico di e famia ta bisa:” Cristina (e señora cu a wordo haya morto den e camber), tabata mama di cinco, abuela, yiu, ruman, tia y un miembro valioso di su famia y comunidad”. “Lo recorda su dedicacion pa su ser querido y e influencia positivo cu e la tene riba tur hende rondo dje” .
Pastoor Jairo:”Mi no a perde rumbo! Simpelmente mi ta gusta ta den pueblo di hopi forma”
ORANJESTAD – “ Kisas bo no ta di acuerdo cu mi. Kisas bo ta pensa cu mi a perde rumbo di mi bida como Sacerdote of kisas mas cos tin den bo cabez! Ora bo ta pensa esey, ta esaki mi por bisa bo pa awor!” tabata reaccion di pastoor Jairo Maduro, riba critica entre otro riba e echo cu e ta fungiendo awor tambe como ‘prins’ di Carnaval 72. “ Siendo un Sacerdote pa 21 aña caba y hopi feliz di mi vocashon, mi ta sinti cu mi mester ta den pueblo den su celebrashonan y tambe den su luchanan y dolornan” e ta sigui bisa. “Mi ta gradici Dios cu mi por haci esaki tambe! Pasobra realmente ta hopi cos mi sa haci y algun di nan ta tras di cortina! Ta den pueblo kiermen, duna e mihor dibo y sa kiko ta biba den cada curazon.Mi curpa a bisti diferente bistir of trahe, pero e bisti cu ta marca mi funshon ta un Sotana preto cual tambe tin biaha no ta ser aprecia, pero cu ta laga tur hende sa cu mi ta un homber di Dios, manifestando cercania, compashon y alegria tur momento”. Segun Maduro, e no ta un mundano, pero ainda e ta bibando den e mundo aki y sintiendo juzgamento y amor na mes tempo, pero cu e no tin problema cu esey. “ Den e dianan aki lo bo mira mi den ambiente di musica, alegria, pero mi kier bisabo cu tambe mi ta cana den gang di Hospital, mi ta bishita Hospice y casnan di grandinan tin biaha den oranan di marduga pa tene man di esnan cu ta saliendo di e bida aki y pa duna consuelo pa esnan cu ta keda! Tur dia mi ta para tras di un mesa grandi pa celebra Hesus bibo den Eucaristia cual ta mi mayor forza! Mi no a perde rumbo simpelmente mi ta gusta ta den pueblo di hopi forma!”
CTB ta mercadeando e isla diferente awor cu Corsou a clasifica pa Mundial di Futbol 2026
Follow NoticiaCla
