Corte na Hulanda a absolve Marco Borsato di acusacion di abuso sexual cu menor di edad

DEN HAAG – E cantante popular hulandes Marco Borsato a wordo libera di abuso sexual. Segun tribunal na Utrecht, no tin prueba cu e cantante a toca tras, pechu y partinan intimo di un mucha muhe menor di edad. Ministerio Publico tabata pidi cinco luna castigo pa motibo di abuso sexual. Borsato semper a nenga tur acusacion.

E cantante a bisa cu e ta alivia y ta spera di mira padilanti despues di su liberacion: “Mi kier bolbe sigui cu mi bida, cu a keda paralisa pa seis aña.”

Den 2021 a bira publico cu tabatin denuncia contra dje. Un muhe cu tabata tin 22 aña na e tempo ey, a bisa cu ora cu e tabata 15 aña, Borsato a maltrata di dje sexualmente. E cantante tabata bay cas di e famia ey hopi biaha, pasobra mama di e mucha tabata presidente di su fanclub durante mas o menos binti aña. Esaki a causa cu e mama y Borsato a bira hopi bon amigo.