Parlamentarionan hulandes kier cifra riba traficacion di droga di Venezuela

DEN HAAG – Parlamentarionan di Hulanda ta precupa cu e situacion di traficacion di droga di Venezuela pa Aruba y Corsou. Den un serie di pregunta (cu ainda no a haya contesta), parlamentarionan pa VVD, ta puntra minister Plasterk riba e situacion aki. Nan ta basa nan mes riba un noticia di juli, unda cu lo a intercepta un cargamento grandi di droga luna pasa di di Venezuela pa Aruba.

E NOTICIA

Apenas 8 dia despues cu e noticia a bira conoci (dia 20 di juli e cargamento a wordo intercepta), e parlamentarionan Bosman y Ten Broeke a manda nan preguntanan pa e mandatario. Entre nan, kier pa e mandatario confirma e noticia di e intercepcion. Tambe kier sa si tin cifra conoci na Hulanda, riba e cantidad di droga cu ta wordo trafica for di Venezuela, pa e islanan Aruba y Corsou of otro partinan di Caribe. Y finalmente, si autoridad di Aruba y Corsou tin suficiente capacidad pa combati traficacion di droga for di Venezuela. (Lesa e preguntanan di e parlamentarionan aki). Foto ta uno di archivo di un captura di droga for di Venezuela y no ta di e captura recien.