Cantidad di morto den candela di apartamento na Hong Kong ta sigui aumenta

HONG KONG - E huma ainda ta subi for di e compleho di toren na   Hong Kong, unda ayera tabata tin un candela devastante den siete di e ocho torennan. Un dia despues, den e edificio kima, hende ainda ta busca sobreviventenan; famianan ta keda entre speranza y temor; y esnan cu a perde tur cos no tin ningun ide unda nan lo drumi anochi.

E total di morto pa e candela awor ta 55, pero segun tur indicacion e cifra lo subi hopi, pasobra tin rond 300 persona desapareci. Reuters ta bisa cu tin un pagina di Google Docs caminda ta sigui pone nombernan di persona busca.

E descripcionnan ta cortico y factual, por ehempel: “Suegra, den su setenta, desaparece”. Of: “Un mucha y un mucha hembra” y “Piso mas halto: homber di 33 aña”. Hendenan cu a sobrevivi e candela, manera esnan cu no tabata na cas, a pasa anochi den centro di acogia improvisa, manera un scol cerca.