BCA: Mas turista pa Aruba, pero ta keda mas cortico riba e isla

ORANJESTAD – Economia di Aruba a crece cu 4,2 procent den prome cuartal di 2025. Esaki ta sali for di e reporte ‘State of the Economy’ di Banco Central di Aruba. E crecimiento di 4,2 procent ta mas abou cu e fuerte crecimiento di casi dies procent den prome cuartal di 2024. E producto bruto nashonal pa habitantenan a subi cu mas cu tres procent. Esaki ta sinifica cu progreso economico pa persona tabata menos fuerte cu crecimiento economico total.

TURISMO TA KEDA E MOTOR DI ECONOMIA

E cantidad di turistanan di estadia a subi cu 2,5 procent den prome cuartal. Pero turistanan a keda mas cortico riba e isla: promedio un tiki mas cu siete dia. Esaki ta un bahada chikito compara cu aña pasa. Industria di hotel a logra bon resultado. Precio di cambernan a subi cu hopi, mas cu dies procent, y e ingreso pa camber disponible a subi cu siete procent. Ocupacion si a baha, parti pa motibo cu cantidad di camber di hotel a crece cu poco mas cu diesdos procent.

INFLACION TA BAHA, CONSUMO TA SUBI

Mayoria di indicador pa consumo interno a mehora. Cantidad di relacion laboral registra na Banco di Seguro Social a subi cu 3,4 procent. Esaki ta mustra cu tin mas entrada disponible pa casnan. Ingreso for di impuesto di salario y derecho di importacion tambe a crece. Inflacion a keda bao. E promedio di diezdos luna a baha for di 1,7 procent den december 2024 te 1,4 procent den maart 2025. Prijs di energia mas bao y precio di cuminda cu ta baha a contribui na esaki. Inflacion mensual tabata 0,1 procent, compara cu 0,3 procent den december. NOTA: Potret cortesia di Visit Aruba.