Detencion a cay den caso di taxista tira na Southbeach!

ORANJESTAD - Awe marduga polis a logra detene 3 persona relaciona cu e caso di atraco y tiramento di e taxista Gomez na Southbeach recientemente. Vocero di polis Lito Lacle a confirma esaki na NoticiaCla.com awe mainta. Nan a haci 4 huiszoeking y durante e operacion aki, -banda di 4'or awe marduga-,  nan a detene e tres personanan aki. No ta descarta cu nan lo detene mas persona dentro di poco. 

CASO MES

Manera ta conoci, tabata marduga di diadomingo 26 di juli pasa cu un grupo di hoben dilanti Benihana na South Beach Center den intento di atraca conocido taxista Ronny Gomez, a los tiro cu a drenta net bou di su wowo y sali net na e banda prome cu yega orea. Segun famia, e bala lo no a alcansa e cerebro. Tambe tabata averiguando e nivel di daño na e wowo y ta na specialista pa scapa e wowo. NoticiaCla.com a compronde cu e taxista lo a baha di su taxi, y dirigi su mes pa baño, y ta eyan nan lo a siguie y atrak’e y tambe los e tiro(nan). Mas informacion ta cu e tabatin sen cu e la cobra e dia ey, tanto na dollar como florin y a bay cu su celular tambe.